ஹாலிவுட் படம் அளவுக்கு கோச்சடையான் இல்லை - சிம்பு!

சூப்பர் ஸ்டார் ரஜினிகாந்த் நடிப்பில் கடந்த வெள்ளிக்கிழமை வெளியான கோச்சடையான் திரைப்படம் பல்வேறுவகையான விமர்சனங்களைச் சந்தித்துவருகிறது. திரைத்துறையைச் சார்ந்தவர்கள் வழக்கம்போலவே படம் சூப்பரோ சூப்பர் என்று கொண்டாடினாலும் சாதாரணப் பொதுமக்களும், விமர்சகர்களும் இப்படத்தின் நிறை குறைகளைக் கலந்து சொல்லிவருகின்றனர்.

சூப்பர் ஸ்டாரின் தீவிர ரசிகரான லிட்டில் சூப்பர் ஸ்டார் சிம்புவும் கோச்சடையான் திரைப்படம் குறித்து தனது கருத்துக்களைக் கூறியுள்ளார். அவர்
கூறியிருக்கும் கருத்துக்களின் அடிப்படையில், கோச்சடையானின் கிராபிக்ஸ் காட்சிகளை ஹாலிவுட் படங்களுடன் ஒப்பிடமுடியாது என்றும், ஆனாலும் ஒரு ஆரம்பமாக இப்படத்தினை உருவாக்கியதற்கு இப்படத்தின் இயக்குனருக்கு பாராட்டுத் தெரிவிப்பதாகவும் தெரிவித்துள்ளார்.

மேலும் இப்படத்திற்குக் கதை, திரைக்கதை எழுதியிருக்கும் கே.எஸ்.ரவிக்குமார், இசையமைப்பாளர் ஏ.ஆர்.ரகுமான் மற்றும் எடிட்டர்
ஆண்டனி ஆகியோரையும் பெருமளவில் பாராட்டியுள்ளார். வசனங்கள் மிகச் சிறப்பாக இருப்பதாகவும் தெரித்துள்ளார். அத்துடன் கோச்சடையான் திரைப்படம் தன்னை மிகவும் கவர்ந்ததாகவும், இப்படத்தினை இயக்கியதற்காக சௌந்தர்யாவைப் பார்த்துப் பெருமிதப்படுவதாகவும் தெரிவித்துள்ளார்.