ரஜினியுடன் ஜோடியாக நடிக்கும் சோனாக்ஷி குதிரை ஏற்ற பயிற்சி பெறுகிறார்.ரஜினி நடிக்கும் புதிய படம் ‘லிங்கா. கே.எஸ்.ரவிகுமார் டைரக்டு செய்கிறார். தமிழக மக்கள் வறட்சியால் பாதிக்கப்படும் காலகட்டத்தில் அவர்களுக்காக அணை கட்டும் இன்ஜினியர் வேடத்தில் நடிக்கிறார் ரஜினிகாந்த்.
முல்லை பெரியாறு அணை கட்டிய சரித்திர பின்னணியை மையமாக வைத்து இக்கதை உருவாக்கப்பட்டுள்ளது. இதன் ஷூட்டிங் மைசூரில் காவிரி கரையோர பகுதிகளில் நடந்தது. முதல்கட்ட ஷெட்டியூல் முடிந்து அடுத்த கட்ட ஷூட்டிங் ஐதராபாத்தில் நடக்க உள்ளது.
ஏற்கனவே மைசூரில் ஷூட்டிங் நடந்தபோது அங்குள்ள அரண்மனையில் ஷூட்டிங் நடத்த அனுமதி மறுக்கப்பட்டது. தற்போது அதற்கான சிறப்பு அனுமதி பெறப்பட்டது. இதையடுத்து ரஜினி நடித்த காட்சிகள் அரண்மனையின் முன்புறத்தில் நேற்று நடந்தது. இதுவரை அரண்மனையில் உள்ள மன்னர் அறையில் எந்த படத்துக்கும் ஷூட்டிங் நடத்த அனுமதி கொடுத்ததில்லை.
இப்படத்துக்காக அந்த அறையில் ஷூட்டிங் நடத்த முதன்முறையாக அனுமதி பெறப்பட்டுள்ளது. இன்ஜினியர் வேடத்தில் வரும் ரஜினிக்கு ஜோடியாக சோனாக்ஷி சின்ஹா நடிக்கிறார். அணை பின்னணி காட்சிகளில் இவர் நடிப்பதால் குதிரையில் வரவேண்டிய காட்சிகள் இடம்பெறுகின்றன.
இதற்காக சோனாக்ஷி குதிரை ஏற்ற பயிற்சி பெறுகிறார். தற்போது இந்தியில் ‘தேவர் என்ற படத்தில் சோனாக்ஷி நடித்து வருகிறார். அதன் ஷூட்டிங் நேற்று மும்பையில் நடந்தது. படப்பிடிப்பு இடைவேளையில் ‘லிங்கா படத்துக்காக குதிரை ஏற்ற பயிற்சி பெற்று வருகிறார்.
0 comments:
Post a Comment